想喺星期五晚搵高質活動？M+博物館全新一場「M+夜不同」已經回歸，今次仲有早鳥優惠，票價由 HK$240 起，非常適合一班朋友或者情侶到西九度過文青 Chill 夜。

活動以法籍華裔藝術家趙無極嘅「版藝匠心」展覽作為主打，結合視覺藝術、R&B 同電音元素，打造多感官夜間博物館體驗。參加者可以喺 22:30 前自由遊走除 B2 層以外嘅所有展廳及展覽，慢慢欣賞各類當代藝術作品。

除咗欣賞「趙無極：版藝匠心」嘅版畫作品之外，仲會有多場現場音樂演出，包括 Gordon Flanders 王駿楊帶嚟嘅 R&B 歌曲，以及無伴奏合唱團體 Boonfaysau（半肥瘦）現場 A Cappella 表演，氣氛輕鬆之餘又充滿藝術感，保證唔會悶場。

如果鍾意動手做手作，亦都可以報名參加版畫工作坊，親手創作一份獨一無二嘅版畫作品，為呢個星期畫上一個有儀式感嘅句號。經過一星期辛勞工作，好值得用一晚藝術同音樂幫自己充充電。

M+夜不同：無盡境界 活動資料

• 活動名稱：M+夜不同：無盡境界
• 門票類型：早鳥門票
• 票價：HK$240 起
• 活動日期：2026 年 3 月 6 日（星期五）
• 開放時間：活動期間可於 22:30 前參觀除 B2 層以外展廳
• 地點：M+ 博物館（西九文化區）
• 購票及詳情：按此於 Klook 查看及預訂

無論你係藝術愛好者、音樂迷，定係只想喺週五晚搵個靚景舒適位歎下，今次「M+夜不同：無盡境界」都相當值得一試，記得預早買飛享有早鳥優惠。

內容來源