【😢 20幾年街坊情，上水舖十月正式講再見】 真係好唔捨得🥲……呢次真係要同大家講再見喇👋。

【😢 20幾年街坊情，上水舖十月正式講再見】

真係好唔捨得🥲……呢次真係要同大家講再見喇👋。

我哋上水廣場間舖，10月7日就會正式結業。陪咗大家20幾年，由最初喺7樓開舖，搬去9樓，之後搬返7樓，再到依家6樓，搬咗4次，都離唔開上水廣場。每一次搬遷，都凝聚住大家對我哋嘅支持。全靠有你哋一路以嚟嘅厚愛同包容，我哋先可以堅持走到今日💪。

最掛住嘅，一定係嗰班熟口熟面嘅街坊客。成日嚟同我哋傾計、問吓有咩新貨、甚至介紹親戚朋友過嚟買嘢🧺。20幾年嚟，見證住大家人生階段嘅轉變，由學生變咗爸爸媽媽，甚至帶埋小朋友嚟👨‍👩‍👦‍👦，呢份情，真係有錢都買唔到。

天下無不散之筵席，雖然好唔捨得，但我哋會永遠記住每一個笑臉😊、每一句問候。

距離落幕仲有幾日，各位上水嘅舊朋友，記得過嚟行吓、探探我哋，等我哋可以當面同你講聲「多謝」❤️。

雖然上水廣場舖要同大家告一段落，但這份情誼未完——日後我哋喺上水招牌店、大埔同沙田主店，隨時等住你哋過嚟傾偈，我哋其他分店再見！🙏


#再見 #上水廣場 #20幾年 #多謝支持 #樓上食好啲