主題樂園、遊車河、睇燈飾、室內遊樂場等通通有齊，聖誕未諗好行程可以一次過睇晒推介，揀心水活動同親友開心過節。
1️⃣ 香港迪士尼樂園
強勢推介全新魔雪奇緣世界，可以同 Elsa 同 Anna 見面，園內佈滿聖誕裝飾，夜晚有煙花加飄雪效果，氣氛浪漫打卡一流，情侶同家庭客都非常適合。
2️⃣ 香港 AIA 友邦嘉年華
中環海濱年度嘉年華回歸，現場有掟公仔攤位遊戲、機動遊戲同小食攤檔，邊玩邊感受嘉年華同聖誕節日氣氛，是朋友同家人放電好選擇。
3️⃣ Merry Balloon Park 巨型夢幻充氣樂園
大型充氣城堡樂園，以氣球和繽紛色彩為主題，區內設多個彈跳及攀爬區域，大人細路都可以一齊玩，影相打卡效果非常吸睛。
4️⃣ 尖沙咀開篷巴士聖誕燈飾遊
想輕鬆欣賞尖東海旁燈飾，可以選擇乘坐開篷巴士行程，沿途吹住海風睇夜景同燈飾，不用人迫人，行程輕鬆又有節日氣氛。
5️⃣ 香港海洋公園萬豪酒店 廣東歌聖誕倒數派對
平安夜入住海洋公園萬豪酒店，可以參加廣東歌主題倒數派對，由 DJ 團隊「節拍星期五」及 Cantomania 打碟演唱，一齊邊聽經典歌邊倒數迎接聖誕。
6️⃣ 香港海洋公園
海洋公園集動物、機動遊戲和主題節日裝飾於一身，可以探訪熊貓、玩過山車、欣賞聖誕布置，無論是一家大小還是情侶拍拖都非常適合。
7️⃣ JOYPOLIS SPORTS 超動感世界
室內運動主題遊樂空間，佔地逾萬平方呎，結合體感運動和電競遊戲，多個遊戲區可以與朋友互相挑戰比高分，適合年輕人及團體活動。
8️⃣ 香港大富翁夢想世界
大富翁主題展期間限定回歸山頂，場內重現銀行、地契、機會卡等經典元素，化身真人版棋子在場景中遊走，適合一家大細及大富翁粉絲。
9️⃣ 香港樂高®探索中心 LEGOLAND Discovery Centre
室內樂高®主題樂園，設有 10 個不同主題園區，小朋友可以用樂高®砌出自己的迷你城市和車輛，亦有遊樂設施及創意工作坊，非常適合親子活動。
* 成人不可單獨入場，必須與最少一名兒童同行方可進入樂高®探索中心。
