港麗酒店 Garden Café 推出國際美食及「尋味南洋」主題自助午餐快閃買一送一優惠，17 號早上 11 點開搶，連復活節假期都適用，人均約 $281 就可以任食環球海鮮、日本刺身、馬來西亞喇沙、燒西冷牛肉等多款美食，另設星級名廚主理星馬菜，包括招牌喇沙、參巴醬焗黑毛豬扒飯及黑胡椒蟹肉通心粉等，港島打工仔午餐想食好啲，去 Conrad 就一次過滿足鍾意國際風味同東南亞料理嘅你。
國際美食自助午餐主打新鮮冰鎮海鮮如鱈場蟹腳、海蝦，加上即切日式刺身和多款冷盤熱葷選擇，現場設有即煮檔口，新鮮烹調馬來西亞喇沙及燒西冷牛肉，配搭沙律吧及多國特色小食，最後以 Mövenpick 雪糕和精緻甜品作結，選擇豐富，非常適合一大班朋友或同事聚餐。
「尋味南洋」自助午餐則重點呈現東南亞風味，酒店特別邀請星洲名廚溫有成（Chef Edward Voon）客席坐鎮，於限定日子為食客帶來地道星馬風味菜式。餐單包括招牌 VOON 喇沙、參巴醬焗西班牙黑毛豬扒飯、黑胡椒蟹肉通心粉等創意菜式，結合傳統香料與西式烹調手法，層次豐富，辣度與香氣兼備，為味蕾帶來驚喜。
是次兩款自助午餐均以快閃形式推出買一送一優惠，預訂後平均每位約 $281，即可以酒店級環境享受高質自助餐，無論想試多國海鮮美饌，還是鍾情星馬南洋風味，都可以一次過滿足。優惠名額有限，建議預先於 Klook 網上預訂，以免錯過。
