想北上搵新景點？深圳灣文化廣場近海邊又好行，仲有藝術展覽同特色建築，平價門票好啱週末快閃。
深圳灣文化廣場位於深圳灣海旁，外形設計極具未來感，好似一個巨型 AirPods 充電盒，因此成為近年深圳人氣打卡地標之一。廣場周邊臨海而建，視野開揚，非常適合散步、觀景同影相。
場館內設有多個展覽空間，涵蓋藝術展覽、當代設計、中國傳統工藝以及世界級設計作品，內容多元豐富，無論鍾意攝影、藝術定係純粹想行行睇睇，都可以慢慢感受文化氣息。
成人門票低至約 HK$23 左右，性價比相當高，對於香港人嚟講好適合安排做北上一日遊或週末短途行程。由深圳灣口岸前往路程不算複雜，可以配合附近商場、美食行程一拼玩，拍完照再去食飯血拼。
計劃行程時建議預留數小時，日間可以欣賞建築細節同展覽內容，黃昏時段則可以順道睇海景同城市天際線。無論係情侶約會、閨蜜打卡定家庭出遊，都係值得 Bookmark 嘅深圳新熱點。
圖片來源：Trip Moments / Crazy.traveler เที่ยวจะเครซี่、Trip Moments / SophiaParrish33
