記得喺 23 號中午 12 點準時上 Klook 主頁搶限量酒店優惠碼，今次有日本指定酒店低至 53 折，最高可減 HK$440，啱晒復活節同 5 月勞動節快閃去日本旅行，話走就走都無問題。
如果搶唔到指定優惠碼都唔使灰心，仲可以加碼用通用優惠碼 「HOTEL0323」，全球酒店即享 85 折，無論係日本、韓國、東南亞定歐美行程，都有機會慳多啲旅費。
日本 8 大必住舒適酒店推介
東京必住酒店精選
1. APA 酒店＆度假村〈兩國站前塔〉
日本人氣連鎖酒店品牌，鄰近交通樞紐兩國站，步行即可到達地鐵及 JR，住客可以輕鬆來往淺草、上野等熱門景點，以高 CP 值見稱，適合第一次來東京自助遊嘅朋友。
2. 上野公園光芒酒店
坐落於上野黃金地段，出站即達東京核心商圈，步行可到上野公園、阿美橫町，同時方便轉乘前往成田及羽田機場，對行程緊湊嘅旅客相當方便。
3. JR 東日本大都會大飯店東京羽田
酒店緊鄰羽田機場，連接 JR 車站同單軌電車，無論係轉機、搭早機或深夜抵達都好方便，房間設施齊全，適合商務旅客同短期留宿人士。
4. 西鐵日本橋酒店
靠近人形町站及多條地鐵線路，出入成田、羽田機場同東京站都非常順暢。周邊餐廳及便利店選擇多，夜晚返酒店前搵嘢食都完全唔憂。
大阪人氣住宿選擇
5. 大阪天王寺 都城市酒店
位於天王寺交通樞紐位置，可直達關西機場及多條主要地鐵線。客房可俯瞰天王寺一帶市景及大阪天際線，鄰近百貨公司及購物中心，購物、觀光一次過滿足。
6. Vessel Inn 難波酒店
酒店位處難波區域，提供免費日本環球影城接駁服務，對於計劃玩 USJ 嘅家庭或情侶檔好方便，節省交通時間同車費。
7. 心齋橋長堀通哈頓酒店
地點鬧中取靜，位於長堀通一帶，步行即可到達心齋橋購物區，同時遠離最嘈吵嘅地帶，啱晒鍾意血拼但又想有寧靜休息環境嘅住客。
8. 本町大阪景觀酒店
位處大阪核心地段本町站附近，交通四通八達，搭車約 5 分鐘即可到達道頓堀及固力果廣告牌等熱門景點，無論觀光定購物都非常方便。
如果準備計劃下次日本自由行，不妨把握今次 Klook 酒店折扣同優惠碼，提早預訂東京同大阪高評價酒店，慳錢之餘又住得舒適，行程更輕鬆好玩。
