17 號早上 11 點開搶港麗酒店咖啡園快閃自助午餐買一送一，兩款主題包括國際美食同「尋味南洋」，復活節假期都適用，人均約 $281 就可以任食海鮮、刺身、喇沙、西冷牛同多款甜品，想歎星級南洋菜或環球美食，去 Conrad 一次過滿足晒。
國際美食自助午餐（復活節適用）
主打環球海鮮同日式刺身，包括鱈場蟹腳、海蝦等冷盤海鮮，另設即煮馬來西亞喇沙、燒西冷牛肉等多款熱葷，甜品區提供 Mövenpick 雪糕及多款精緻甜點，選擇豐富，啱晒鍾意多元口味嘅食客。
「尋味南洋」主題自助午餐
以星馬特色菜為主題，邀請星洲名廚溫有成（Chef Edward Voon）客座坐陣，限時 12 天帶嚟東南亞風味盛宴。推介菜式包括招牌 VOON 喇沙、參巴醬焗西班牙黑毛豬扒飯、黑胡椒蟹肉通心粉等，以香料同層次感突顯南洋風味，為味蕾帶來新鮮體驗。
兩款自助餐均設限量快閃買一送一優惠，折後人均大約 $281，性價比高，適合上班族午餐聚會或假日家庭聚餐，記得提早上 Klook 網站預訂，以免錯過優惠名額。
