又到一年一度交稅季節，雖然無人想面對，但稅單到手始終都要處理。點解唔趁交稅順便賺返啲回贈，幫自己減輕少少負擔呢？透過信用卡或者電子錢包交稅，唔單止方便快捷，仲可以賺取各種優惠！以下就同大家分享信用卡交稅優惠攻略，無論你想賺回贈、里數，定係減輕現金流壓力，呢篇文都可以幫到你。
信用卡交稅有咩好處？
相比起傳統交稅方法，用信用卡交稅最明顯嘅好處包括：
1. 方便快捷：唔需要填寫支票或者親身到銀行交稅，直接喺網上或者App操作即可完成。
2. 靈活付款：分次付款或者選擇免息分期，減輕一次過交大筆稅款嘅壓力。
3. 賺取優惠：不少信用卡提供專屬嘅交稅回贈或里數獎賞，甚至可以變相「慳錢」。
交稅有技巧：點樣拎盡回贈？
1. 選啱信用卡：不同銀行優惠針對唔同卡種，建議根據自己嘅需求選擇最合適嘅卡，例如專注賺現金回贈、里數或者免息分期優惠。
2. 利用電子錢包交稅：現時使用八達通App或者AlipayHK交稅，可能比直接用信用卡賺取更多回贈。
3. 分期交稅減輕壓力：如果需要交大筆稅款，可以考慮申請免息分期服務，減輕短期內嘅財務壓力。
2024信用卡交稅優惠大比拼
每年到咗交稅季節，唔同銀行都會推出專屬嘅交稅優惠。如果你用岩電子錢包（例如八達通App、AlipayHK或WeChat Pay）加上指定信用卡，仲可以變相享受更高回贈。例如AlipayHK與Ant Bank PayLater合作，除咗有免息分期，仲提供雙倍A.Point回贈！
電子錢包交稅優惠一覽：賺盡回贈！
1. WeChat Pay交稅優惠2024/2025： 最高2.5%現金回贈
首先你要了解左Wehcat個手續費先
| 政府費用 (水費、稅費、差餉地租及其他政府繳費) | 其他生活類費用 (電費、煤氣費、物業費) | |
|---|---|---|
| 中銀信用卡、餘額、銀行帳戶 | 0% | 0% |
| AEON (Visa/Mastercard 信用卡) | 1% | 1% |
| 銀聯信用卡 | 1% | 1% |
| 其他信用卡 | 1.5% | 2% |
以WeChat Pay交稅嘅方法非常簡單，只要喺WeChat Pay入面綁定返安信EarnMORE卡，然後直接scan返稅單上面嘅QR Code，再揀返安信EarnMORE卡扣數就可以！Wechat Pay需要支付 1% 手續費。不過，如果你使用 安信 EarnMORE 信用卡 交稅，有 2%回贈，扣除 1% 手續費，實際仍可獲 1% 回贈，幫你輕鬆抵銷部分成本，甚至賺取額外回贈！具體操作係用 WeChat 扫描稅單上的 QR Code，再選擇用 EarnMORE 卡完成支付即可。
WeChat Pay 仲推出了銀聯交稅優惠(由2024年11月1日至12月31日)，累積交稅金額達標即可獲得現金券，而且現金券可以即時用來繳稅！建議將稅款分批支付，盡量玩盡優惠。
• 累積HK$5,000：可獲 HK$75 現金券
• 累積HK$10,000：可獲 HK$150 現金券
• 累積HK$20,000：可獲 HK$300 現金券（等同 1.5% 回贈）
如果再綁定 EarnMORE 信用卡 賺取額外 1% 回贈，總回贈高達 2.5%！
不過要留意，
WeChat Pay 每日繳費上限為 HK$10,000（扣除手續費後實際可交 HK$9,990）。
每月上限為 HK$100,000，如需繳更多稅款，建議分幾日支付。
每年 EarnMORE 卡的 2% 回贈上限為 HK$150,000 簽賬額，超過後將無法享受回贈，因此記得計劃好稅款分配。
不過都要講返聲先，EarnMORE卡無正式出過任何資料講交稅有回贈，依個係目前谷友實測 EarnMORE 卡使用 WeChat Pay 繳費有回贈，因此建議盡早把握機會，不要聯絡客服查詢以免影響優惠。
2. Alipay交稅優惠(拎券)
一樣都要了解左Alipay手續費先
| 餘額、銀行賬戶、螞蟻銀行存款寶、Ant Bank PayLater 1期、渣打Q Credit Card | 免手續費 |
|---|---|
| 指定信用卡 (中銀信用卡、恒生信用卡、渣打信用卡) 繳交電費、煤氣費、石油氣費、物業管理費、學校賬單、租金 (房屋協會轄下出租屋邨適用)、政府賬單 (包括稅務局、水費及差餉地租等) | 1.5% |
| 其他信用卡Visa/MasterCard | 1.5% |
Alipay交稅優惠1:
今年 AlipayHK 再度推出扣稅優惠！只需進入 Alipay App，搜尋 「繳稅專區」，即可發掘多項交稅優惠活動。
即日起至 2024年12月30日，每日中午 12點 定時放出限量HK$50 扣稅券。(適用於政府繳稅，單次繳稅滿 HK$10,000 可抵扣 HK$50)
Alipay交稅優惠2:渣打國泰信用卡交稅攻略：無上限HK$6/里數回贈！
如果你使用 渣打國泰信用卡 綁定 AlipayHK 進行交稅，仍可享受 無上限HK$6/里數回贈，不過要留意有 1.5%手續費產生！
3. 八達通App錢包交稅攻略：賺盡信用卡回贈！
利用 八達通App錢包 交稅，不但方便快捷，更可變相賺取信用卡回贈！以下為具體操作方法和注意事項：
操作方法
1. 設置自動增值：將信用卡綁定至八達通，自動增值金額直接計入信用卡消費，賺取回贈或里數。
2. 每日拍錢進八達通錢包：
• 使用 iPhone 八達通錢包 功能，每日手動拍卡將金額加到八達通錢包（前稱 O!ePay）。
3. 交稅或轉賬：
• 從八達通錢包餘額直接繳交稅款，或者通過 FPS 轉回至個人銀行戶口。
每月限制與玩法
• 每月存入上限：已認證的八達通錢包用戶，每月最多可拍 $10,000 進入八達通錢包 Pro。
• 免手續費轉賬：每月首 $3,000 可通過 FPS 免費轉回銀行戶口。
• 交稅策略：餘下的 $7,000 可直接掃描稅單 QR Code 支付稅款，成功賺取信用卡回贈。
進階玩法：分月儲蓄
如果你需要繳交超過 $10,000 的稅款，可提前每月分批拍錢入八達通錢包。例如：
• 每月存入 $10,000，累積數月後一次性繳交所有稅款。
注意事項
• 由於每日需手動拍錢入八達通錢包，操作較為繁瑣，適合對回贈敏感的用戶。
• 請確保你的信用卡提供繳費回贈，並注意八達通相關限制條款。
善用八達通錢包，不僅交稅輕鬆，更可賺取額外信用卡回贈，讓稅務支出變得更有價值！
4. 各銀行信用卡交稅優惠詳情
傳統使用信用卡交稅的方法是等銀行推出相關優惠，然後透過網上理財平台進行繳稅。不過，大部分銀行的交稅回贈比例通常只有 0.5%左右，相對較低。
因此，小編更建議大家優先考慮上述提到的 WeChat Pay 高回贈大法，不但回贈比例更高，還可以透過靈活操作賺取更多額外獎賞！
工銀 ICBC 信用卡交稅優惠
即日起至 2025年1月31日，使用 工銀信用卡 透過網上理財繳交稅款，可享以下優惠：
• 基本回贈：繳交 $5,000 或以上稅款，可獲 $100 現金回贈，相當於 2% 回贈！
• 新卡專屬優惠：若使用 新啟動的信用卡 交稅，可額外獲得 $50 現金回贈。
過往經驗顯示，每張信用卡均可參加一次活動，善用 卡海戰術，即可多次賺取回贈！詳情可參考工銀官網的最新資訊。
滙豐 HSBC 信用卡交稅優惠
即日起至 2025年2月28日，特選客戶只需透過 Reward+ App 登記並完成以下條件，即可享現金回贈：
基本優惠： 交稅滿 $30,000 並於推廣期內 累積 $10,000 零售簽賬，可獲 高達 $400 現金回贈，相當於 0.3% 回贈。
額外回贈：若以 滙豐 Mastercard 繳稅累積滿 $300,000，可額外獲 $200 現金回贈。
注意事項
• 需於 Reward+ App 進行登記。詳情可參考 Reward+ App 最新推廣頁面，了解更多條款及細節。
| 繳稅金額 | 基本獎賞回贈 | 滙豐Mastercard額外獎賞回贈 |
|---|---|---|
| $30,000 – $49,999 | $50 | |
| $50,000 – $74,999 | $100 | |
| $75,000 – $99,999 | $150 | |
| $100,000 – $199,999 | $300 | |
| $200,000 – $299,999 | $400 | |
| $300,000或以上 | $400 | $200 |
中銀 BOC 信用卡交稅優惠
即日起至 2024年12月30日，使用中銀信用卡繳稅可享以下優惠：
完成登記後，透過 網上銀行／手機銀行 繳交 $20,000 或以上稅款，並於推廣期內累積 $4,000 零售簽賬，可獲高達 $888 現金回贈。
| 繳稅金額 | Visa卡 | 其他信用卡 |
|---|---|---|
| $20,000 – $49,999 | $50 | $50 |
| $50,000 – $99,999 | $100 | $100 |
| $100,000 – $199,999 | $400 | $200 |
| $200,000 – $299,999 | $688 | $300 |
| $300,000或以上 | $888 | $300 |
渣打信用卡交稅優惠
即日起至 2025年1月31日，特選客戶使用 渣打信用卡 透過流動理財或網上理財繳稅，可享以下優惠：
• 單次繳交 $30,000 或以上稅款，可獲高達 $300 現金回贈，相當於 0.5% 回贈。更多優惠條款及細節，請參考渣打官網。
| 繳稅金額 | 零售簽賬 $3,000 – <$20,000 | 零售簽賬 $20,000或以上 | 新客戶^優惠 |
|---|---|---|---|
| $5,000 – <$50,000 | 500里 | 1000里 | |
| $50,000 – <$100,000 | 2,500里 | 5000里 | |
| $100,000 – <$200,000 | 5,000里 | 10,000里 | 額外2,000里 |
| $200,000 – <$500,000 | 15,000里 | 20,000里 | |
| $500,000或以上 | 30,000里 | 50,000里 |
東亞 BEA 信用卡交稅及繳費優惠
即日起至 2024年12月30日，使用 東亞Visa信用卡 繳費可享以下獎賞：
• 登記於 BEA Mall App，透過網上銀行繳費（包括稅款、水電煤、學費、保單等賬單）滿 $5,000，並於優惠期內累積 $3,000 零售簽賬，即可獲高達 50,000 里數。
• 新客戶另有額外 2,000 里數 獎賞。
優惠條款及細節請參閱東亞銀行官網。
| 繳稅金額 | 零售簽賬 $3,000 – <$20,000 | 零售簽賬 $20,000或以上 | 新客戶^優惠 |
|---|---|---|---|
| $5,000 – <$50,000 | 500里 | 1000里 | |
| $50,000 – <$100,000 | 2,500里 | 5000里 | |
| $100,000 – <$200,000 | 5,000里 | 10,000里 | 額外2,000里 |
| $200,000 – <$500,000 | 15,000里 | 20,000里 | |
| $500,000或以上 | 30,000里 | 50,000里 |
即日起至 2025年2月28日，透過 Citi App 登記並使用 Citi PayAll 繳稅，可享以下優惠：
使用 Citi PayAll 繳稅，並選擇繳費單次服務費，可獲 加碼積分或現金回贈。
Citi PayAll 需支付 1.8% 服務費，可能會影響回贈實際價值，建議根據個人需求評估是否適合。更多優惠條款及細節，請參閱花旗銀行官網。
| Citi信用卡 | Citi Prestige | Citi PremierMiles | Citi Plus Citi Rewards Citi HKTVmall | Citi Club Citi ClearCiti Cash BackCiti 八達通 |
|---|---|---|---|---|
| 每$1繳費總回贈 | 2.5分 | 2分 | 2分 | 1.8% |
5. 延遲交稅都有計劃？
如果你符合特定條件，例如收入波動較大，可以向稅局申請延遲繳稅。不過，建議提早計劃，例如利用扣稅年金或者自願醫保，從而喺長遠稅務安排上節省更多成本。